ذهب الراعي لدعوة  الدوبرمان ودار بينهما الحوار التالي ..

الدوبرمان :شالوم

الراعي : ابوس الايادي يا باشا ازيك يا سيد المعلمين والكلاب كلهم..

الدوبرمان : اقعد بلاش غلبة

الراعي:  وانا اطول يا سيدي ..

الدوبرمان : انت ايه الى جابك هنا انت مش عارف اني مطيقش خلقتكم  وريحتكم تقرفني و تعكر مزاجي….

الراعي: جينا نبايع و نبوس ايدك علشان ترضى علينا …. احنا غلابة ..

الدوبرمان : طيب بوس ..

الراعي: ايدك ابوسها ..

الدوبرمان : وانت تطول.. بوس رجلي يا كلب ..

الراعي بعد ما باس و شبع لحس في الجزمة : يا سلام اول مرة اعرف انو فيه جزم مصنوعة من العسل ..

الدوبرمان : حابقى اديك جوز جزم قديم تحلي بيهم ..انطق جاي ليه ..

الراعي : يا سيد الكلاب كلهم انا جاي و كلي امل انك تشرفنا وتزور حارتنا علشان تحط علينا بركة مولانا بوبو..

الدوبرمان : و معلمك ليه مجش بنفسوا علشان يدعوني لزيارة حارتكم …

الراعي : و الله و غلوت حارتكم عندنا هو بعافية و عيان و عندو الديسك  و الا كان جي بنفسوا علشان يدعوكم ..هو احنا نطول..؟

الدوبرمان : طيب و سكان حارتكم حاتعملوا فيهم ايه..

الراعي: مش فاهم يا سيد الكلاب ..

الدوبرمان : بتستعبط يا روح امك ..انت مش عارف اني بشتمكم ليل نهار واني مسحت بكم الارض ..انا ايه الى يضمن لي ان سكان حارتكم ميعمولش حاجة وانا بزوركم.

الراعي : هاهاهاهاه يا سيدي ..دي اخر حاجة تفكر فيها ..سكان حارتنا ناس طيبين اوي اوي اوي …وعلى العموم احنا نحبسهم كلهم يوم تشريفك لينا علشان تبقى الدار امان ..ها موافق ؟

الدوبرمان: طيب و معلمكم ما انا سبق وشتمتوا ..ايه الي يضمني انو مش ملعوب علشان ينتقم مني ..؟

الراعي : ياااااااااااه …دا المعلم بتعنا طيب جدا جدا جدا تصور انو بيخاف ياذي ذبانة ..دا معلمنا بيحبكم موت و دايما ..اي والله دايما بيقولي دول حبايبي .. وضرب الحبيب زي اكل الزبيب يا ريت تشتموا كمان وكمان لانو بينبسط اوي بالزبيب .

الدو برمان : خلاص يا سيدي موافقين بس بشرط ..

الراعي : اشرط يا سيد الكلاب اشرط يا سيدي و تاج راسي ..

الدوبرمان : اول شرط انا عايز الرقاصة سوسي ترقص لي لوحدي و انا الي بطبلاها

الراعي : ياه وهي اطول يا باشا موافقين طبعا…غيروا

الدوبرمان : عايزكم اقبل ما اجي حارتكم تحبسوا شعبولا وتخلوها يغني انا بحب اسرائيل ..

الراعي : تصدق انو ندم اوي ..اه ندم وقعد يعييط و كان يترجانا نسيبوا يجي بنفسوا يعتذر لكم بس احنا قلنالوا مش وقتوا يا شعبولا خليها في وقتاها و اهو جي وقتها ..و حايغني انا بحب اسرائيل.

الدوبرمان : خلاص  موافقون ..بوس…

الراعي وهو بيبوس رجلو: عندنا طلب صغير …

الدوبرمان : كمان تطلب الظاهر انكم حوش متجوش الا بالعين الحمراء …

الراعي : طلب صغير ارجوك ارجوك خلينا نقول كلمتين نرجع بها شوية كرامة علشان نبسط سكان حرتنا الطيبين الغلابة ..

الدوبرمان : ماشي ..هاااااااا.. وبلاش تسوقوا فيها فاهم …

الراعي :  مفهوم يا سيد الكلاب ..وياريت كمان متشتمناش وانت في حارتنا..

الدوبرمان: مفهوم.. مفهوم..علشان كرامة سوسي هع هع هع هايييييي

*الدوبرمان فصيلة شرسة من انواع الكلاب